أول دروس الرزاله نقلا عن صديق رزل جدااااااااااا... بس مش أنا طبعا

لو راكب فى باص أو ميكروباص وجنبك حد نايم اوعى تسيبه نايم ... كل شوية اقعد قول وصلنا عشان يصحى مخضوض... لو عمل اهبل صحيه وقوله مش انت نازل هنا بيتهيألى...لو مش نايم متسيبوش فى حاله برضه عيب عليك متجيش...ركز على سؤال واقعد اسألهوله كل شوية زى أنت نازل فين?... طب انت دفعت ولا لأ...? لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد...أو قوله ماتنزل من الشباك..لو انت فى أتوبيس وقاعد على كرسى وجنبك ناس واقفة استمتع بقى وخدك وقتك...اتمطع بقى وقول ياسلام على الراحة الواحد مكنش عارف هيعمل أيه لو مش قاعد...لو العكس بقى اقعد اسأل كل واحد انت نازل فين واقعد قول بصوت عالى ياجماعة محدش نازل قريب أصل انا عايز اقعد طول... مانت واقف قول كده لحد مايقعد..وكلما الكمسرى يجى ياخد منك الاجرة اسأله على تمن كذا مكان يعنى قوله هو لغاية الحتة الفلانية بكام طب? لغاية الحتة دى بكام?اسأل على تمن كل الاماكن اللى تعرفها لحد مايقولك ياعم خلصنى رايح فينقوله مانا عشان ابقى عارف بس وتقل فى العيار يمكن يسيبك ويمشى لما يدى حد تذكرة قوله ورينى كده لو سمحت واقعد اتأمل فيها لحد ما صاحبها يزهق ويشدها منك ....فى مفتش بقى ساعات بيطلع يفتش على التذاكر وبيطلع على السريع كده وينزل ...أنت بقى اوعى تديهاله علطول كده أزعل منك والله ...دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا واللهواقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك كفاية كده بقى حرام المفروض تنزل قبل الناس ماتموت منك ...أستنى رايح فين أنت نازل عادى كده ولا كأنك رذل ولا حاجة ...وأنت نازل هيبقى فى ناس واقفة أعمل نفسك مش عارف تعدى وحاول تجاهد على قد ماتقدر وتضيع الوقت اللى تقدر عليه لحد الناس ماتشيلك وترميك بعد ماتكون جبتلهم السكر ورفعت ضغطتهمكده إنتهت الحصة الأولى

موقف عجيب... جميل ... يمكن مضحك

وده موقف حصلى فى المترو...انا كنت واقف فى علبه السردين الى هى المترو سابقا ومفيش نفس لبنى ادم لدرجة انى فى بعض المحطات الناس معرفتش تدخل اصلا من الباب...المهم انى طويل بدرجة تكفينى لان استنشق الهواء النقى بينما صاحبى الى واقف جنبى قصير مش شامم غير عرق قمصان البشر وروايح زى الفل الصراحة .... المهم انا بعدى الامور دى لانها مش فارقة لغاية لما لقيت واحد راجل عجوز قصير شوية وبيستنجد بيا انه مش نازل غير محطة حسنى مبارك وهو عارف انى فى السادات... ودى المحطة اللى انا نازل فيها..... الناس كلها بتندفع وبتاخد اللى طالع واللى نازل .... بس المهم انى وعدت الراجل انه يمسك فيا وانا هحميه وأصد الغزو من ورا .... جت محطة السادات من هنا وعينك متشوف الا النور والراجل مش مدى على خوانه .... لقيت كل الناس تقريبا فى العربية نازله السادات وهو تقريبا برضه الوحيد اللى نازل حسنى مبارك وده لأنى ملقتش تفسير للى حصل لما لقيت الراجل طالع معايا او على كتفى على السلم المتحرك فى محطة السادات وبيقولى ... ( عليا الطلاق منا رايح الشغل )..... حد عنده تفسير؟!!!!!
Reply to Your PostDelete PostEdit Post

بكتب يمكن أحسكم معايا.....بجد

ورجعت تانى للكتابة والمرة دى كتبت شعر عن مصر أتمنى أسمع رأيكم فيه ويكون خير بدايه لحياة جديدة مع مدونتى العزيزة التى كنت على وشك غلقها ولكن اراده الله كانت الاقوى ....اليكم القصيدة وعليكم النصيحة والرأى
شعر بعنوان فى حبى لوطنى.....مصر
(1)
أنا كنت نفسى أسمع أغنيــــــــــــــــــة
يحس بيها الناس أنها كانت أمنيـــــــــة
لواحد حابب ليهم حياة رضيـــــــــــــة
ولا عمره فكر يعملها مشكلة ولا قضية
(2)
نفسى حياة بدون غـــــــــــــــــــــــــلا
ولا كان فى نفوسنا غير الوفـــــــــــــا
عشان الام تحب ابنها لأنه الضنــــــــا
والأب يسعى ويتعب تحت مفهوم الشقا
(3)
لا العمر يقف ولا الساعات تفـــــــوت
من غير ما نبقى أمة واحـــــــــــــــدة
ولا أحسن لينا نموت ونندفن فى تابوت
أدينا عايشين فى حياة زى الأخطبــوط
(4)
نفسى حياة بدون خـــــــــــــــــــداع
نفسى شعبى يكون شجــــــــــــــــاع
ياخد حقة ويتسجلة الابـــــــــــــــداع
ودى مش صعبة ومفهاش ضيــــــاع
(5)
الصين عملتها وبقت فى القمــــــــــة
واحنا من ورا وبقينا رمــــــــــــــــة
دى مش فهلوة ومش محتاجه لمـــــة
دى بسيطة بس يكون عندنا زمــــــة
(6)
بالحب نبدأ وبالسلام نهـــــــــــــــدى
كفايانا بقا عايزين ننـــــــــــــــــــسى
ده العمر بيجرى واحنا لــــــــــــــسا
ولادنا تطلع وبكره قلبهم يقســــــــــى
(7)
دى بقت عيشة تقصر العمـــــــــــــر
ودايما طعمها فى قلبى مـــــــــــــــر
بدور يمكن ألاقى بـــــــــــــــــــــــر
نقرب للخير ونبعد عن الشـــــــــــــر
(8)
طال الكلام بــــــــــــــس السمـــــــع
حرقة دم وقلــــــــب أتوجــــــــــــــع
على ناس أتربت وعاشت فى جشــــع
(9)
العيب مش فينا ولا فى زمانــــــــــــنا
العيب على اللى ربانا زى ما احـــــنا
وكمان علينا لأننا سبناله روحـــــــــنا
فى الأخير أدينا ضعــــــــــــــــــــــنا
(10)
أنا مش جاى أعاتب ولا جاى ألـــوم
أنا بس هاممنى كل يــــــــــــــــــوم
بنطلع كده وبتبقى جوانا همـــــــــوم
خدوها عظة من شهر الصــــــــــوم
المحبة فى الله هى اللى بتــــــــــدوم
(11)
أرجع يازمن وفكرهم بيوم النكــــــسة
ولا بلاش بــــــــــــــــــــلا وكــــسة
الزمن ده فات بس عمرنا ما هننســـى
الشهيد مات وكفاياه بس عزة نفســـــة
البلد وسايط ومحسوبـــــــــــــــــــــة
وكفايه علينا ميه من الحنفـيـــــــــــــة
ويا خوفى ليقطعوها علــيـــــــــــــــة
(12)
بص هناك على فلسطــــــــــــــــــــين
العرب بيموتوا وراسنا فى الطــــــــين
يرحمك ياصلاح الدين ويرحم حطـــين
ارجع قودنا أوشوف يازمن واحد فطين
(13)
خدوا موقف وأستشيطوا الهـــــــــــمم
وأشعلوا النفس ووحــــــــــــدوا الأمم
وأبعدوا عن نفوسنا كل الغـــــــــــــمم
قريب هنكون زى الصـــــــــــــــــــنم
الا لو عملنا....ده احنا أهل الكــــــرم
(14)
بودعك يازمان فنهايتى قـــــــــــــربت
ناس شايفة بلدنا بتموت ولاايد اتحركت
على شعر أتكتب..
فلا أذن سمــــــــــــــــــــــــــــــــــعت
ولا عيـــــــــــــــــــــــــــــــــــن رأت
بلد المعز ياناس خلاص اتصـــــــــنمت
(15)
كان نفسى أفرح ببلدى بس الحزن أطغى
كنت بحلم بالعدل بس الـــــظلم كان أعـلى
زمانا غابة وفيها البقاء بس لـــــــلأقوى
(16)
ياسلام يابـــــــــــــــــــــــــــلدى عليكى
لو ولادك فتـــــــــــــــــــــــحوا عنيكى
ولو تبصى قدامك وبــــــــلاش رجليكى
بأختم وبقول أموت والله وكلــــــى ليكى








تــــــــــــــــــــمــــــــــــــــــــــــــت.....

كل سنة وأنتم طيبين يا جماعة

Just A Smile.....

Do you think what is the meaning of the

ABCDEFG

...mmmmm....

IT means

A Boy Can Do Everything For Girl

,Ok? what about the meaning of the

GFEDCBA

....mmmm...

IT means

Girls Forget Everything Done,,,& Catches new Boys Again

MY COMMENT: هههههههههه

Did You Think Befor What is The Meaning Of The Word..... ADIDAS

Think Deeply....

Deeply....

Deeply.... mmmmm!!!!

Ok..Ok..I'll Tell You,

But Keep It Secret...Ok??!

..... ADIDAS....

Is The Abbrevation of the word:

.....All Days I Do All Sports....

MY COMMENT: أفادكم الله ياسيدى

حقائق علمية.....تحفة بجد

العلم اثبت ان في اربع حقائق لا يمكن تغييرها

....................

الحقيقه الاولي انك ماتقدرش تلمس كل سنانك بلسانك

........................

والحقيقه التانيه انك سازج وبتحاول دلوقت تلمس كل سنانك بلسانك

........................

والحقيقه التالته انك تافه وبتدحك علي نفسك دلوقت وده من تفاهتك

..................

والحقيقه الرابعه انك هايف وبتفكر تبعت الرساله دي لكل اللي تعرفهم

..................

.مع اطيب تمنياتي بالعبط الدائم

شكرا .....صديقى عبدالله مسعد

عشر جمل جداد الولد بيقولهم للبنت بس لما يزهق منها وينفصل عنها لما يشوف واحدة أحلى منها

أولا:حبيبتى انا ماستهلكيش(هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

ثانيا:انا بعمل كده علشانك انتى( ايوه ماحنا عارفين باباها قالو لو ماسبتهاش هاحرمها من الميراث

ثالثا: انا هاسيبك علشان مش عاوز اى حد يتكلم عليكى نص كلمه( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل

رابعا:انا مش عاوزك تزعلى مينى(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه

خامسا: انا هاهاجر ومش عارف هارجع امتى(طب ماتخدها معاك يامعلم ولا هيا حجج وخلاص

سادسا:أنا مانفعش ارتبط بواحده مشيت معاها(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان

سابعا: انتى احسن حد عرفته فى حياتى بس مش هاينفع نكمل( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش

ثامنا:انتى اكتر حد حبيته فى حياتى بس برده زى ماقولتلك مش هاينفع نكمل(لا تعليق

تاسعا:حبيبتى انا اكتشفت ان مافيش مابينا حاجه متشابهه (لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه

عاشرا:والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا(لا ماهو واضح

رأيى الشخصى

نقول ايه البوست ده اولا للضحك وثانيا للضحك لتوصيل فكرة بطريقه لذيذة ومش معنى كده ان كل الولاد وحشين وان كل البنات ملايكه وده كمان مش يدى الحق للبنات انها تشتم الولاد وبعدين فى شباب كتير بتقول كده بجد وبتحس الكلام ده بجد وبتكون صادقه مش كله بيكدب فى 5% صادقين واكيد اكتر بكتير ... احنا بنهدى نفوس بس مش اكتر

عشرين جمله 95% من شباب مصر بيقولوها للبنات

عشرين جمله 95% من شباب مصر بيقولوها للبنات

أولا:حبيبتى انتى عارفه انا مش بحب حركات الشباب الطايش انا اصلا مبكلمش بنات(وتلاقيه يعرف طوب الارض

ثانيا:-يااااه ياحبيبتى انا حاسس انى اعرفك من زمان (وهوا تلاقيه متلخبط بينها وبين بنت كان يعرفها قبل كده

ثالثا:- حاسس ان فيكى حاجه غريبه غير كل البنات (اكنها مثلا بتمشى على ايديها ورجليها

رابعا: -انا حاسس ان فى شبه كبير بين افكارى و افكارك احنا اكيد مخلوقين لبعض (اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه

خامسا:حبيبتى انتى اول حب فى حياتى وانا حاسس انى اتولدت يوم ماقبلتك (على أساس ان والدته كانت حامل فيه سنه وولدته قبل مايقابلها بيومين

سادسا: -يااه يا حبيبتى انتى تؤمرى وانا انفذ اللى انتى عايزاه اجبهولك(فى المشمش

سابعا:حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير(طبعا فاهمين الحركات دى تلاقيه مش عاجبه اساسا

ثامنا:هكلم باباكى اول ماكًون نفسى (موووووووووووت يا حمااااااااااار

تاسعا:عايز اشوفك كل يوم كل ساعه كل ثانيه(عشان اصحابه يتأكدو انها حلوه

عاشرا:حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه

حادى عشر:انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى (يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ

ثانى عشر:معلش ياحبيبتى مش هقدر اعدى عليكى بالعربيه النهارده علشان هيا فى التوكيل(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه

ثالث عشر: ياحبيبتى انتى بتتكلمى فى أيه انا كل عطورى من فرنسا( ايوه زغلل عنيها ياواد

رابع عشر:ياه لما بشوف رقمك على الموبيل قلبى بيتنفض (طبعا من الخضه انها تكون فأسته

خامس عشر:فلان قالى اديله رقمك بس انا قلتله اقتلنى قبل ماتاخد رقها منى (ياااااه على التضحيه وهى ياعينى رقمها مع مخاليق ربنا كلهم

سادس عشر:حبيبتى عايز صورتك عشان قبل مانام اشاهد فى جمالك واحطها تحت المخده (لا وهو الصادق عشان لما يتخانقو يهددها بيها

سابع عشر:اسف يا حبيبتى امبارح مقدرتش اكلمك كنت مشغوووول فى المذاكره (قصده معهوش فلوس او مشغول مع واحده تانيه

ثامن عشر:اسف يا حبيبتى انى مقدرتش اجى فى المعاد امبارح كان عندى ظروف صعبه (معزور الولد افتكر معاد البنت التانيه اللى بقاله 3 اسابيع مأجله

تاسع عشر:عارفه يا حبيبتى انا طول الليل منمتش قاعد بفكر فيكى(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه

العشرين:عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش (يقصد مش بيفتح البلوك عنها الا اما تكون هيا بس الى اون لين عنده)

بس كده.....ولا تعليق والرأى ليكم

نقلا عن موقع يالا كورة

أكدت تقارير صحفية الأربعاء أن الحكم المغربي عبد الرحيم العرجون الذي أدار مباراة الإياب في نهائي دوري أبطال إفريقيا بين الأهلي والنجم الساحلي التونسي في القاهرة يوم الجمعة الماضي شوهد قبل المباراة بأم قليلة في جلسة مع جلال كريفه نائب رئيس نادي النجم. وذكرت التقارير التي أبرزتها مجلة النادي الأهلي أن أحد رجال القضاء البارزين والذي طلب عدم ذكر اسمه أكد أن صديقه الجراح المصري المقيم بباريس د. عصام إبراهيم أبلغه بأنه شاهد بعينيه قبل عشرة أيام العرجون مجتمعاً مع جلال كريفه نائب رئيس نادي النجم الساحلي بأحد المطاعم بالعاصمة الفرنسية. وأكد المصدر نفسه أن الدكتور عصام نجح في التقاط صورة للعرجون خلال اجتماعه مع جلال كريفه بكاميرا جهاز تليفونه المحمول وهي الصورة التي التقطها في بداية الأمر على سبيل التذكار مشيرا إلي أن د.عصام لم يكن يعرف في البداية هوية الشخص الذي كان مجتمعا مع العرجون. وفي الإطار ذاته أوضح المصدر القضائي أن الجراح المصري شاهد العيان على اجتماع المطعم بباريس وبحوزته هذه الصورة المهمة والتي يرغب في إهدائها إلى المسئولين بالاتحاد الإفريقي للبحث في الحقيقة. يذكر أن مباراة الذهاب في نهائي دوري أبطال إفريقيا والتي أداراها العرجون قد انتهت بفوز النجم 3-1 وسط اعتراض من جانب الأهلي على التحكيم والذي اتهمه إدارة النادي الأهلي بالتغاضي عن ضربتي جزاء واضحتين. وكان النادي الأهلي قد تقدم بمذكرة للاتحاد الإفريقي يطلب فيها إجراء تحقيق موسع بشأن التجاوزات والأخطاء التي ارتكبها طاقمي التحكيم في مباراتي الدور النهائي في حق الأهلي وأكد الكاف بأن التظلم سوف تتم مناقشته فئ اجتماعات اللجنة المنظمة لبطولات الأندية الأفريقية المقرر انعقادها بالقاهرة في 4 ديسمبر المقبل

مجرد تعليق:- للخيانة ناسها وللأمانة محبيها

LIGHT SMILE...ضحكاية

بضم صوتى لصوت اللمبى فى فيلمه بالنسبة لموضوع أطفال الشوارع بأن يوفروا لهم أماكن للايواء أو توفير (الكله) بسعر مدعم وبكميات أكبر بعد اللى شوفته وأنا راكب تك تك سايقه طفل

بقترح الغاء الحجر من الأهالى على بناتهم والبدء فى الحجر على ولادهم بعد اللى شوفته على كورنيش النيل

بفكر أنزل شريط غناء بعنوان (ست الحته) قبل شعبولا وجاد شويرى

بقترح أخرج فيلم بطولة نسائية لبوسى سمير وهيفاء وهبى ولوسى ودانا وأسميه للرجال فقط!! وأتفرجوا على الايرادات

نكته عجبتنى:- صعيدى حب يتروشن كتب على الشومه أديداس

بيقولك واحد دجال صاحب سمعة طيبة وبيروحولوا مشاهير كتير بيقرأ الطالع لسنة 2086 فوجد انى رئيس الجمهورية اسمه جورج نبيل محمد حسنى مبارك

كنت فى صفحة شات لقيت شاب داخل باسم سواق تك تك

بس كده (فاصل ونواصل)..........باى باى

كل عام وأنتم بخير

ملحوظة:- عيد سعيد واللهم بلغنا رمضان يارب

رمضان الان......مسلسلات

بجد لم أكن أعرف ان رمضان هو شهر الصيام والتقرب لله فحسب.......بل شهر الصيام والتقرب لله والمسلسلات والبرامج وقديما بكار وحاليا تامر وشوقية أما الان فلأنى فكرت عن اى شئ يستحق الكتابة فى هذا الوقت بالذات فى رمضان فقلت أشوف اهتمامات الناس فى ايه وللأسف كانت المسلسلات ثم البرامج وهأنذا أكتب عن راى شخصى فى مسلسلات رمضان وتواجد النجوم وان كان الموضوع سيقسم على مراحل او على مسلسلات لانى لكم ان تتخيلوا كم المسلسلات......بداية الموضوع النهاردة عن مسلسل جامد جدا وهو مسلسل (يتربى فى عزو) للنجم يحيى الفخرانى

من الاول كده التتر وأغنية المقدمة والنهاية فى رأيي نصف المسلسل وطبعا نصفه الحلو حلو يبقى هو مسلسل سكره

وبندقة ويمكن لوزة

فاغنية هشام عباس مالهاش حل واستخدام الرتم السريع والايقاع الحركى والشفهى وتركيب الاغنية مع بعض المواقف

فى المسلسل شئ أكثر من رائع جدا

وثانيا الشخصيات فى نظرى من حيث الأهمية والترتيب هم:-

يحيى الفخرانى.....توب المسلسل وهو حماده عزو

كريمة مختار......ماما نونا وبس

نهال عنبر.....دكتورة وعالمة وباحثه

أحمد عزمى وياسر جلال ورانيا فريد شوقى وحسن مصطفى وانتصار وهنا شيحة

وغيرهم الكتييير

يكفى انك تعرف انى مؤلف المسلسل يوسف معاطى والمخرج مجدى أبوعميرة

التحليل الفنى والنقدى البوست القادم ان شاء الله

مــــــــــــــــــــــــــــــيدو

الصورة تتكلم عن ما فيها

هاقولها وبس لأنى مش قادر أوصفلكم الفاجعة اللى وصلنا ليها

حسبى الله ونعم الوكيل

فعلا أنت لست أديب يا عمرو أديب

حديثى عن شخص اسمه عمرو أديب......قد تتفق معى أو قد تختلف ......واختلاف الرأى لا يفسد للود قضية

ان لم تستحى فافعل ما شئت.....!!!!!!!!!!!!!!!!!!!!!!بجد

مقوله معروفه وتحققت على وجه ولسان وأفعال الاعلامى أو عفوا الشخص الذى يطل علينا على قنوات أوربت ويدعى عمروأديب.........مخنوق منه جدا

بداية معرفتى به كانت عن طريق النت عندما وجدت فى بعض المواقع الرياضية لينك لعماد أديب وحواره مع رئيس نادى الزمالك السابق المستشار مرتضى منصور وكان الحوار غاية فى الهبل والاستفزاز لرجل يعرف عنه العصبية والطيش ولكنه وقع لقمة سائغة لعماد أديب هذا.....ورغم كرهى لمرتضى منصور لأفعاله الصبيانيه وانسياقه لكبرياؤه وتفاهته العالية وما يؤكد كلامى ما وصل اليه حال مرتضى منصور من طيشه واندفاعه وهو الان فى سجن طره وكيف أن الحوار عبارة عن خناقة على الهواء وتصفيات لمشاكل شخصية ويمكن عائلية بينهم

انه انسان غاية فى الغلاسة والسماجة والغتاتة والاستفزاز وما وصلت اليه الحلقة من سخونة واستفزاز

ثانى موضوع وهو سبب هذا الموضوع هو برضه سماعى لحلقة له على النت وهانزل اللينك بتاعها بعد المقال وكيف انه زملكاوى متعصب وده مش مشكلة ولكن كلامه المستفز ورأيه الأجوف ودمه التقيل والجهل الاعلامى فى انه بيحاور زميله وده معرفش اسمه ويقوله هضربك بعصايه بعد الفاصل الاعلانى والاخ التانى فرحان وبيضحك وعمنا عمرو أديب قال زعلان بعد هزيمة الزمالك المستحقة فى نظرى وبيقول انى الجماهير شمتانة فيه هو بس وبتبعتله رسايل على موبايله لاستفزازه وهو عنده الضغط والسكر والشلل الرعاش والزهيمر وحاجات كده تغيظك من واحد طالع وبيتسهتن وبيتكلم كده وكأنه الاعلامى الذى يتكلم لمجرد الكلام

أخيرا ..لحظة من فضلك......حتى لا أكون مستفزا أنا الاخر فى رأيى الشخصى عن ال.....عمرو أديب اليكم بعض النماذج والتى تفرق بين نموذج الاستفزاز الاعلامى المشوق والهادف وبين نموذج الأديب هذا ولكم الحق فى الرد........ أوكى؟

الأمثلة هى محمود سعد ومنى الشاذلى ومفيد فوزى ومنى الحسينى من ذوو الاستفزاز المشوق واللذيذ واللى ليه غرض وهدف اعلامى وبين عمرو أديب اللى خلصت فيه كل الكلام

الخلاصة اللينك اهو تحت اسمعو الحوار وبعدين مستنى تعليقكم على ال.......عمرو أديب...... على فكرة كنت بحب برنامج القاهرة اليوم ودلوقتى طبعا لأ لأ لأ لأ لأ لأ لأ لأ ...... وحسبى الله ونعم الوكيل فى عمرو أديب..... الفيديو تقيل فاصبروا شوية معلش حبايبى

مجرد رأى....رامى صبرى

بداية ممكن أكون قديم شوبة فى رأى ناس كتير بنياه على مطرب عن نفسى هتكلم عنه باستفاضة وده لانى ظلمته بجد واعتبرته زى غيرى كتير ملحد وزنديق وفاحش وغيرها من العبارات الدارجة على شخص لم اقابله فى حياتى قط وكل ما أعرفه عنه انه من الوسط الفنى يعنى عليه القيل والقال كغيره من أهل الفن بس بجد انا زى غيرى مادتهوش فرصة لانه بجد لمس وتر للكتير مننا حساس وخلينى اوضح أكتر...... المطرب ده رامى صبرى والوتر الحساس هو وتر عمرو دياب اللى هو الكينج لكتير مننا ان مكنش لكلنا ومع احترامى لمحمد منير وفضل شاكر بس الموضوع يمت بالصلة لعمرو دياب والنجم رامى صبرى.....ايوة رامى صبرى

يالا تعالو اقولكم الموضوع بدأ معايا منين ولازم منساش قول الله تعالى ( يأيها الذين امنوا ان جائكم فاسق بنبأ فتبنينوا أن تصيبوا قوما بجهالة فتصبحوا على ما فعلتم نادمين) صدق الله العظيم

ياسبدى ..... وياستى طبعا....الموضوع انى فترة الاجازة وتحديدا فى أولها السنة ديا 2007 كنت من أشد المتابعين لقنوات مزيكا وزووم وميلودى بأنواعها هيتس وتون وارابيا

MaZzika- ZooM-Melody (Arabia-Hits-Tone)

وانا ولا بيا ولا عليا مجرد متابع للجديد فى اللى بتعملة القنوات دى من شكل جديد للشات وطرق جديدة لتحميل الأغانى والجديد من كل شئ لجذب أكبر عدد من المشاهدين وكان اكتر حاجة شدانى هى قناة زووم اللى عملت حاجة جديدة انها تجيب مقتطفات من أخبار للجرايد وتنشرها وتقول الجريدة اللى كاتبه الخبر ده وبصراحة اللى شدنى فيها بالذات لانى الاخبار فى كل حته انها جايبه عناوين رياضة وانا بحب الرياضة مووت وكمان انها بتجيب مقتطفات فكاهيه واخبار فن ومواقف لأنيس منصور اللى بحبه جدا بجد وغيرها الكتير

المهم طلع علينا بعد شوية أخبار للجريدة المرئية لشخص يكتب تحت مسمى (ابن عجب) ايوة اسمه كده ...... (ابن عجب) بس

الكاتب ده عمل حملة جديدة على شخص اسمه رامى صبرى ويمكن فى البداية لرامى صبرى ولا ابن عجب ولا الجريدة المرئية مشهورين بس اللى أعرفه كويس انى ابن عجب ده عمل ضجة اشتهر بيها وخلى كمان الجريدة المرئية مشهورة وطبعا بطلنا رامى صبرى كمان اشتهر وهنعرف ازاى

رامى صبرى كفنان انا ما اعرفش ليه غير انه نزل شريط جديد بجد تحفة هو شريط ( حبيبى الأولانى)..... وبجد فى نظرى ونظر الكتير حولى شريط تحفة وشريط مافهوش أغنية واحدة وحشة وطبعا مع اختلاف الأذواق......بس .....ماسكتش رامى صبرى عند كده وعمل سلسلة كليبات وعرف الناس بيه وبصوته وبشكله اللى بصراحة أصبح مثار نقد للكثير لانه بصراحة جدا جدا شبه النجم والكينج عمرو دياب ومش بس كده ده كمان رامى كان بيقلد حركات عمرو دياب وعلى أساسه اشتهر لانى فى ناس غيرى كتير ماسمعتهوش على شريط او سى دى انما بس شدها ليه فى الاول تقليدة وشكله المشابه تماما لعمرو دياب

بصراحة تابعت أغانى كتير لرامى صبرى بس نسيت موضوعه وعدى عادى انه انضم لسلسة المطربين اللى بيظهروا وبيقدروا يثبتوا نفسهم ومابيروحوش مع الريح زى هيثم شاكر ومحمد حماقى وغيرهم اللى اثبتوا نفسهم بجد

أكمل موضوعى وانى اتشديت لابن عجب ده لانه بدأ مقالاته بمهاجمة رامى صبرى وتسميته بال (ح رامى) أوكى وده طبعا لانه أى ابن عجب أكيد بيحب عمرو دياب ولانه استنكر نجاح واحد زى رامى على حس عمنا عمرو دياب وهو مظنش كلف نفسة وسمع رامى صبرى او انه سمعه ومعجبهوش عادى بس مهاجمته ليه بالشكل ده تؤكد انه لقى انى رامى مادة خصبة اعلامية يشتهر بيها صاحبنا ابن عجب وده رأيى فيه بصراحة واستغل ابن عجب الاتى........................ أولا

بدأ مهاجمته بأنى رامى صبرى كان فى كوفى شوب واشتغلت اغنية لعمرو دياب فرفض رامى وقال انه بيكره المطرب ده ولما رفضوا اغلاق الاغنية فى الكوفى شوب قام واتخانق مع الجرسون ومع أصحاب الكوفى شوب

ثانيا هاجمه بأنه شاذ جنسبا وانا حاول يتحرش طفل او طفلة مع امها وكان رد الام انهاني صفعته على وجهه اللى هو رامى صبرى

ثالثا انه حاول فى حفلة يبوس احدى البنات الحضور عند حمام السيدات

رابعا هاجمه بأنه فقرى ونحس وشرارة وانه خلى مدير أعمالة فى حاله يرثى لها بعد ماعمله تنويم مغناطيسى

ملاحظين معايا انى النجم ابن عجب متابع جيد لرامى صبرى وبيحضرله كل حفلاته وبيروح معاه كل مكان يعنى الكوفى شوب والشوارع وغيرها من الاماكن اللى رامى المفروض عمل فيها فضايحة

بجد بجد أنا حاسس وشاكك ان لم أكن متأكد من انى ابن عجب ده كداب كبييييييييييير وليس أدل على هذا من نجاح كل حفلات رامى صبرى وضمه لقافلة ليالى التلفزيون رغم انى فى نظرى معلش رامى صبرى صوته فى الحقيقى مش حلو وده معلش رأيى انما فى الشريط او السى دى تحفه وده مايمنعش انى أدافع عنه ولانى ناوى انزل لينك من خلاله تسمعه بعض الاغانى اللى مخليانى احب رامى صبرى الفنان وليس الشخص لانى مش مفروض اكره عمرو دياب لو طلق مراته او احب تامر حسنى لو الشباب التفوا حواليه وأصبحوا جماهير لفنان أقل ما يقال رد سجون

رأيى بصراحة سلبا وايجابا لانهاء هذا الموضوع

الايجاب..... رامى صبرى بجد فنان جامد وصوته رائع واحساسة عالى جدا والحانه اكثر من رائعة وشعبيته جارفة وان كانت بحدود وله الكثير من الالحان لمطربين غاية فى الروعة ومش مهم ليا شخصه ايه فلكلا حريته الشخصية المهم اللى يطربنى بس كده ولكم ان تتخيلوا انى أصالة قريبا فى دويتو مع رامى صبرى

السلبيات..... رامى صبرى بجد شبه عمرو دياب وده مش ذنبه دى خلقة ربنا بس ذنبه انه قلد نجمنا فى حركاته وفى طريقة لبسه وان كان بالطريقة دى نجح على نجاح عمرو دياب فأنا حزين لده .....ولموضوع الشذوذ الجنسى والاتهامات الموجهه ليه من ابن عجب ده كان لابد يرد ولا يسكت لانى سكوته أثبت انه بجد بيعمل كده

اخر تعليقى على الموضوع ده(عجبى )............بس كده كفايه